غلطة عمر

بسكوتِك سامع حَكي وبعيونِك رنِّة أنين
دمعاتك صاروا بكي وصرخاتن مِدري لمين
!!!
بلكي لهيئة أمم أو قاضي ومحلّفين
شكوى وإنتِ الحَكَم وحُكمِك عادل أمين
!!!
ولما سألتك شو جرى ومين هِنِّي المذنبين
هالزعلوك يا ترى ما بيعرفوا قلبك حزين؟
!!!
يستعجلوكِ بْلا ندم يستسمحوا العقل الرزين
ريتهن كانوا العدم ولا زعَّلوكِ المجرمين
!!!
وفجأة القصة بتنجلي وبعرف الغلطة عَمِين
لما عيوني تسألي بنظرة ترجعني سنين
!!!
لعهد الجهل والولدني لمن كنا مُغرمين
وكل الحب البِدِّني بقلوبنا هالعاشقين
!!!
قصدِك المُجرم أنا وبذاتي من المحكومين!
إنتِ الحكم.. كوني أنا بيرضيكي كون السجين؟
!!!
ان بستاهل عمري قْتِلي واتطلَّعي فيِّي بحنين
وسامحيني بمقتلي بحلفك ميِّة يمين.
!!!
سهير قرحاني